Վահագնի ծնունդը

 Երկնէր երկին, երկնէր երկիր,

Երկնէր եւ ծովն ծիրանի.

Երկն ի ծովուն ունէր եւ զկարմրիկն եղեգնիկ:

Ընդ եղեգան փող ծո՛ւխ ելանէր,

Ընդ եղեգան փող բո՛ց ելանէր.

Եւ ի բոցոյն վազէր խարտեաշ պատանեկիկ:

Նա հուր հեր ունէր,

Բո՛ց ունէր մօրուս,

Եվ աչկունքն էին արեգակունք:

 

Կարդա այսպես.

ծովն — ծովըն

զկարմրիկն — ըզկարմրիկըն

ի բոցոյն — ի բոցույն

 

Բառարան

երկնէր — երկնում էր (ծնում էր)

երկին — երկինք(ը)

ծովն ծիրանի — ծիրանի ծովը

երկն — երկունքը

ի ծովուն — ծովում, ծովի մեջ

ունէր — 1. բռնել էր 2. ուներ

զկարմրիկն եղեգնիկ — կարմիր եղեգնիկին

ընդ եղեգան փող — եղեգնի փողով

ելանէր — ելնում էր

ի բոցոյն — այն բոցից

վազէր — վազում էր

աչկունք — աչիկները

արեգակունք – արեգակներ

 

Հարցեր և առաջադրանքներ

1. Ո՞վ է Վահագնը: Պատմի՛ր նրա մասին: Վահագնը ռազմի քաջության, հաղթանակի ու ամպրոպի գերագույն աստվածն է
2. Գույն մատնանշող բառերը դուրս գրիր: Ո՞րն է բանաստեղծության մեջ իշխող գույնը: Ծիրանի, զկարմրիկն, խարտեաշ։ Գերիշխում էին տաք գույները։ 
3. Նկարագրի՛ր  Վահագնի ծնունդը: Ո՞ր  հիմնական տարրերի ծնունդ է Վահագնը: Վահագնը ծնվեց երկրից, երկնքից, ծովից, եղեգնիկից
4. Վահագնին նկարագրող պատկերները դո՛ւրս գրիր և ըստ դրանց ինքդ նկարագրի՛ր նրան:
   Նա հուր հեր ունէր,

   Բո՛ց ունէր մօրուս,

   Եվ աչկունքն էին արեգակունք:

5. Քո կարծիքով, այս ծնունդն իրակա՞ն է, երևակայակա՞ն, թե՞ ինչ-որ բան խորհրդանշող: Իմ կարծիքով խորհրդանշական է։
6. Բանաստեղծությունն աշխարհաբար դարձրո՛ւ։
   Երկնում էր երկինքը, երկնում էր երկիրը,
   Երկնում էր և ծովը ծիրանի,
   Երկունքը բռնել էր ծովում
   Նաև կարմրիկ եղեգնիկին։

   Եղեգնի փողով ծուխ էր ելնում,
   Եղեգնի փողով բոց էր ելնում,
   Եվ բոցից դուրս էր վազում
   Մի խարտյաշ պատանեկիկ։

   Վազում էր խարտյաշ մի պատանեկիկ,
   Նա հուր մազեր ուներ,
   Բոց մորուք ուներ,
   Եվ աչքերն էին արեգակներ։